في بيتنا حرامي
🌿🌿🌿🌿اكتشفت ان ابني بيسرق
لاحظت ان الفلوس بتبقى ناقصة
كان في جيب شنتطتي خمسين جنيه واختفوا
المحفظة بتحصل عليها غاااارة كل كام يوم 😰😰
لما بتحصل حاجة زي كدة
⭕إما الجاني معروف أو غير معروف.
⏬ لو انتم واثقين من ان هذا الطفل بالذات هو من اخذ مالا من حرز بغير إذن صاحبه
(بمعنى حد شافه بعينه أو وجد معه المبلغ)
فمن المستحب أن يكون رد فعل الأهل وصف الواقعة التى حدثت
مثال: نقصت الفلوس ووجدناها معك
فمن المستحب أن يكون رد فعل الأهل وصف الواقعة التى حدثت
مثال: نقصت الفلوس ووجدناها معك
هل من تفسير؟؟؟
# لو قال تفسير يتضمن انه عارف ان السرقة حرام وخطأ...
زي مثلا...انه يقول: استلفتهم أو افتكرتهم بتوعي... أو لاقيتهم في الأرض أو اي عبارة تبرؤ من الفعل
✏يبقى دي فرصة نفهمه بهدوء تعريف السرقة وعقوبتها عند الله وأحكام اللُّقَطة (يعني ماينفعش حد ياخد حاجة من حرز بدون إذن ولو بداعي السلف لأن ده هو السرقة، ولا ينفع ان يلاقي حاجة في الأرض فياخدها من غير ما يعلن عنها لأن دي اسمها لُقَطة ولها أحكام وضوابط)
✏✏ دلوقت مطلوب منك ترجع الفلوس دي لصاحبها ولو بالتقسيط... ولو بأداء أعمال إضافية... المهم أن يرد المال لأصحابه.
▶ الموقف التاني لو احنا مش متأكدين ولا عندنا دليل قاطع بأن هذا الطفل هو السارق، فما ينفعش أبدًا نتوجه لطفل معين أو لأطفال البيت بسؤال صريح..... هوة انت سرقت؟؟؟😏😏😏
🚫 نتجنب تماما الضغط على الطفل للاعتراف حتى لا يضطر للكذب أيضا ونبقى بنحط الطفل في خانة اعتراف مخجل أو كذبة خرقاء.
🚫 ونتجنب نصب فخ للطفل حتى نمسكه متلبس بالجريمة الشنعاء ونبقى بنقدم له دليل على انك شخص فيك من الخسة والذنب والجريمة...
(زي وضع فلوس متعلمة مثلا في متناول يده فيضعف قدامها وياخدها)
بدلا من كدة #هانوصف_المشكلة
مثال: فلوس كانت موجودة ومش لاقينها ولا بد ان حد أخدها
ودي حاجة ضايقتنا وأحزنتنا جدًا....
محتاجين نطمئن على أولادنا وعلى سلامة أخلاقهم وطهارة ايدهم
وعاوزين الجميع في البيت يعرفوا ان دي حاجة حرام وكبيرة من الكبائر.... لأن ربنا سبحانه وتعالى عظم حقوق الناس في أموالهم...
علشان كدة بندي اللي أخد الفلوس فرصة يصحح الغلطة ومهلة يرجعها مكانها...
⏫⏫ دي ردود الفعل وقت الموقف وطرق مواجهة الطفل.
أما علاج الموقف على المدى الطويل فعن طريق
#خطة_لتحرير_هذا_الطفل_من_د
ازااااى
ورقة وقلم واكتبي عندك يا ست الكل 📝📝📝📝📝📝📝📝📝
🗝 بدلا من معاملته على أنه سارق نعامله على أنه من أهل ثقتى وموضع أسراري المؤتمن.
مثال:
📍 أعطيه سر ليحفظه وليكن سرا بسيطا بينكما
📍 أستأمنه على مبلغ بسيط فى مكان ما معه، مثال (محتاجة اشتري هدية ل بنت خالتك على خطوبتها وخايفة اصرف الفلوس... ممكن تشيل المبلغ ده للأسبوع الجاي معاك)
📍أعطيه مبلغ (بسيط) ليوصله لشخص ما
📍 أطلب منه شراء بعض طلبات المنزل وأعطيه هامش زائد ولما يرجع لي بالباقي أحييه على أمانته.
⭕ أعلي من قيمة الامانة وأهلها وأحتفل بنماذج أهل الأمانة.
📍 أغتنم المواقف اللي فيها عبرة ونماذج الأمناء من صالحي الأمة واحكيها ضمن كلامي #بدون تلميح أو نظرات معبرة تجاه هذا الطفل بالذات تعني انك مقصود.
⭕قدمي من نفسك نموذج للأمانة...
مثال "اشتريت النهاردة خضار من عم محمد واداني خمسة جنيه زيادة عالباقي واكتشفت بعد ما قربت اوصل البيت، فرجعت تاني اديتهم له... معاذ الله اني آكل أنا أو حد من أولادي حق غيري... يوم القيامة مافيش فلوس إلا الحسنات والسيئات😰"
"بابا شايل معايا مبلغ مخصصه لكذا.... أنا هافصله عن باقي فلوسي أفضل ما يختلط بيها وأبقى اتصرفت في مال غيري بدون وجه حق"
✅✅مهم جدا #تحسين_العلاقة بين الطفل ووالده والدته.
وفتح صفحة جديدة معه... ممكن كلمة بسيطة زي احنا رحم والرحم لا تنقطع.. وعاوزين نرجع أصدقاء ونفضل أصدقاء تكون كافية وعنوان لمرحلة جديدة من العلاقة الطيبة بين الأهل والطفل بغض النظر عن أي إساءات سابقة.
📌📍📌مهم جدا الاجتهاد في تلبية #احتياجات الطفل المادية الأساسية (و لا يعني ذلك كل رغباته)
🌱🌱🌱
اللهم احفظ ذرياتنا واصرف عنهم السوء والفحشاء واجعلهم من الصالحين
🌸🌸🌸🌸🌸🌸🌸
.
كتبته/ خديجة العلى
