كتير من المتزوجين بيبقي سبب من مشاكلهم انهم بيعقدوا المشكله اللي حلها بسيط عشان مش عارفيين يتفاهموا مع بعض
مش ممكن بجد ست تعيش متضايقه ومخنوقه عشان عندها احتياج نفسي مش مشبع انها تحس بان في حد حابب يلمسها لانها وحشاه
يطبطب عليها
يحط ايده علي راسها
يحضنها باحساس
يمسك ايديها
يطبطب عليها
يحط ايده علي راسها
يحضنها باحساس
يمسك ايديها
تواصل جسدي
وهو مصمم انه لسه عامل كده امبارح وفي العيد الصغير ولما شالت المراره 😂
هي حسبه عقل ولا بيع وشرا
دي مشاعر
هي عايزه حضن عشان محتاجاه معلش تبذير اوفر انا عارفه 😂
يمكن بعض الرجاله بتقوله ان ده حاجه تافهه او بسيطه ومش مستاهله كل الغضب ده
للاسف اتعلمنا عكس الحقيقه ان الخدمات او الشى المادي صعب والحب والاحساس دي حاجه سهله فاللي يزعل لنقصها ده حد اوفر لانه متوفرله الاقيم والاحسن من وجهه نظره
ومن موقعي هذا يحضرني جمله
هي اشياء لا تشتري
هي اشياء لا تشتري
طيب ابسطهالك 😎😎😎
يعني انت في يوم حر كبايه المايه الساقعه بتبقي طوق نجاه ليك من العطش بس في ليله شتا برد ممكن لو شربتها يجيلك احتقان في الزور نفس الكبايه بس التوقيت ده مش توقيتها فمش كل مره هطلع نفس الاداه لاشباع جميع الاحتياجات
طيب ايه اكتر اوقات الستات بتحتاج الحضن ده
١-قبل الدوره الشهريه بيومين
٢-لما تبقي متوتره
٣-لما تبقي منهكه اخر اليوم
٤-لما تكون بقالك فتره بره البيت
٥-بعد ما تصالحها لازاله الرواسب
٦-قبل ما تكلمها في موضوع حساس عندها
٧-وطبعا on demand يعني لما تطلب
انا عارفه انك ممكن تكون شايف ان التواصل الجسدي بالاحضان مش حاجه فظيعه بس كفايه اني اقولك ان الفرق بين الجواز وبين اي علاقه تانيه بين راجل وست هي وجوب التواصل الجسدي واللي انت بتسميه حقك الشرعي نفسي بقي نشيل كلمه حقي الشرعي ونقول عليه حقكم الشرعي
حقكم مش حق واحد بس
طيب قصه الحقوق او معرفتك بالسبب مش كفايه
تعرف في كام طفل هيتعامل باحتواء وهدوء لما تكون الامهات مشبعه عاطفيا ؟؟
تعرف كام طفل هينام مطمن وواثق من نفسه عشان مامته ادته حب وامان لما حست بالحب والامان ؟
تكوين الاسره السليم اساسه اشباع احتياجات كل الاطراف سواء كنت مقتنع او مش مقتنع ده الواقع
مهما تفهت من الموضوع بالرغم من انك موفر كل حاجه تانيه ماعدا الحب والاحتواء ده الواقع
عملت الصعب بس نسيت الاولي لاننا بني ادميين مش مكن مهما حققنا محتاجين نحس بالحب والامان
فلما ربنا يعملنا اسهل واسرع طريقه للحب والامان واحنا ندور علي حلول اكثر تعقيدا منرجعش نشتكي ان الحياه بقت صعبه ومعقده
احضنوا بعض يا جماعه 😊
بس كده اومال انت فاكر ايه 😂😂
#حسها
سارة سيف
مدربة علاقات زوجية
